العراق رغم الدمار

***يمه اشعطلك ***
قصيدة اتبجي الحجر

على لسان ام عراقية فقدت ابنها
موهذا كلامك يمه ليه

ليش اتعطلت يمه العصر فات
اوبدت تعصر ابروحي المغربيه

هلاهل ترس صدري اوبيدي جكليت
اوكبل اسبوع مشتريه الهديه

اتاني اوخبر عاجل طگني بالگاع
انفجار الجامعه المستنصريه

ولك يمه وصلتك ازحف ازحوف
لأن رجليه ماتن گبل اديه

لگيت اكتابك اوماشفتك اوياه
عفته اشلون مو رحتو سويه

اوجثه اتصيحلي من بين الرماد
موهيه گلت وآنه ادري هيه

حاجيني دخيلك ياضوه العين
الشضيه الصابتك موبيك بيه

انا اشتاگيت ابوس اجفوفك اليوم
ابگد مابوست انته بديه

وصية والدك بيدي آنه احنيك
ترضه ايگول خلت بالوصيه

اعرفك غيره كلك تذبح الموت
اوتگعد بس اشگ ثوب العليه

اعز الناس جنت اتگلي ياحيف
اعز الناس ذلتهه المنيه

ياجف القدر المن انمديت
ليش اتناوشت نجم الثريه

ابني البجت لمصابه الحمامات
وغتاظ الگمر ونخسف ضيه

ابني ابن العراق اوامه بغداد
ياهو الكتب مجهول الهويه

اعذروني على الفيديو الذي يحتوي على مواقف مؤلمة
لذلك لاانصح بمشاهدته لذوي القلوب الضعيفة

الزهرة البنفسجية كتب:العراق تحيا 

تسلمي امورتي
نورتي